Ddydd Sadwrn, 28 Chwefror cynhaliodd criw Gorsaf Dân Treforys ddigwyddiad golchi ceir elusennol i godi arian ar gyfer dau achos pwysig.
Diolch i haelioni'r gymuned leol, cododd y criw £250 i Elusen y Diffoddwyr Tân ac i gefnogi aelod o'r criw sy'n codi arian ar gyfer Marathon Llundain.
Daeth trigolion draw drwy gydol y dydd er mwyn i’w cerbydau gael eu glanhau wrth gefnogi'r digwyddiad, gyda Diffoddwyr Tân yn gweithio gyda'i gilydd i godi arian ac ymgysylltu â'r gymuned.
Hoffai'r criw ddiolch i bawb a ddaeth draw ac a gyfrannodd yn ariannol, gan helpu i wneud y diwrnod yn llwyddiant mawr.