Swyddi gwag cyfredol



Byddwch yn rhan o Dîm Eithriadol

Ar hyn o bryd rydym yn recriwtio ar gyfer y rolau canlynol. Am fwy o wybodaeth ac i wneud cais, cliciwch ar deitl y swydd os gwelwch yn dda.

Mae youtube.com wedi'i rwystro oherwydd eich dewisiadau cwci cyfredol, gallwch newid y rheini trwy glicio ar y botwm cwci yn y gornel dde isaf ar unrhyw dudalen.



Tîm Arwain Gweithredol



Diffoddwyr Tân Ar Alwad



Ar hyn o bryd mae gennym gyfleoedd ar gyfer Diffoddwyr Tân Ar Alwad yn y gorsafoedd canlynol:

Rhanbarth y Gogledd

Ceredigion
Aberystwyth
Tregaron
Cei Newydd
Aberaeron
Llanbedr Pont Steffan
Aberteifi
Borth

Powys
Y Drenewydd
Machynlleth
Trefaldwyn
Y Trallwng
Llanfair Caereinion
Llanfyllin
Llanidloes
Trefyclo
Rhaeadr Gwy
Aberhonddu
Aber-craf
Crucywel
Llandrindod 
Llanfair ym Muallt
Llanwrtyd 
Y Gelli Gandryll
Llanandras
Talgarth

Rhanbarth y Gorllewin

Sir Gaerfyrddin
Caerfyrddin
Llanelli
Cydweli
Pont-iets
Y Tymbl
Castellnewydd Emlyn
Llandysul
Llandeilo
Llanymddyfri
Hendy-gwyn

Sir Benfro
Hwlffordd
Aberdaugleddau
Abergwaun
Tyddewi
Arberth
Doc Penfro
Dinbych-y-Pysgod
Crymych
Ynys Bŷr

Rhanbarth y De

Neath Port Talbot
Glyn-nedd
Y Cymer
Blaendulais
Pontardawe
Dyffryn Aman
Port Talbot

Abertawe
Pontarddulais
Tre Rheinallt

Barod i ymgeisio?

Llenwch ein ffurflen mynegi diddordeb os gwelwch yn dda a bydd aelod o'n Tîm Adnoddau Dynol mewn cysylltiad cyn gynted â phosibl.

Cais i Ddychwelyd i Gyflogaeth (Ar Alwad yn Unig)

Gellir cynnig yr opsiwn o "ddychwelyd i gyflogaeth" pan fydd gweithiwr wedi terfynu ei Gontract Ar Alwad â GTACGC, a hynny'n wirfoddol, ac yn gofyn am ddychwelyd i gyflogaeth o fewn pedair blynedd i'r diwrnod dyletswydd diwethaf sydd wedi'i gofnodi ar ei gyfer. Mae'r cyfleuster hwn ar gael i'r cyflogeion hynny sy'n dymuno dychwelyd i rôl diffoddwr tân, a'r cyflogeion hynny yn unig. Er bod personél a fu yn Rheolwyr Criw neu Reolwyr Gwylfa yn flaenorol yn gymwys i wneud cais, dim ond i rôl diffoddwr tân y gallant ddychwelyd.

Llenwch ein ffurflen dychwelyd i wasanaeth os gwelwch yn dda a bydd aelod o'n Tîm Adnoddau Dynol mewn cysylltiad cyn gynted â phosibl.

 

Ein Gweledigaeth ac Ymddygiadau

Gweledigaeth Gwasanaeth Tân ac Achub Canolbarth a Gorllewin Cymru yw darparu’r gwasanaeth gorau posibl i gymunedau Canolbarth a Gorllewin Cymru.

Mae Ymddygiadau Gwasanaeth Tân ac Achub Canolbarth a Gorllewin Cymru’n amlinellu sut mae’r Gwasanaeth yn disgwyl i bob aelod o staff i:

  • Fod yn Atebol
  • Fod yn Barchus
  • Fod yn Ddiduedd
  • Fod yn Foesegol
  • Ddangos Uniondeb

Bydd ymgeiswyr yn cael eu hasesu yn erbyn yr ymddygiadau hyn drwy gydol y broses recriwtio.

 

Diogelu

Mae Gwasanaeth Tân ac Achub Canolbarth a Gorllewin Cymru yn ymrwymedig i ddiogelu a hyrwyddo lles plant a phobl ifanc, a disgwylir i'r holl staff a gwirfoddolwyr rannu'r ymrwymiad hwn. Bydd yr ymgeisydd llwyddiannus yn destun gwiriad DBS a geirdaon boddhaol.



Staff Cymorth



Gweinyddwr Systemau TGCh

Gwasanaeth Tân ac Achub Canolbarth a Gorllewin Cymru
Adran TGCh, Pencadlys y Gwasanaeth, Caerfyrddin

Graddfa 9[1] - £41,771 i £43,149, ynghyd ag atodiad marchnad o hyd at £8,355[2] + £5,180 cyfraniad pensiwn LGPS. Dyfarniad cyflog blynyddol NJC.

  • 26 - 33[3] diwrnod o wyliau bob blwyddyn + 8 gŵyl banc.
  • Hyd at 13 diwrnod ychwanegol o absenoldeb hyblyg (flexi-leave) y flwyddyn.
  • Mae ceisiadau am weithio hybrid ar gael ar ôl cwblhau'r cyfnod prawf.
  • Proses ymgeisio syml.
  • Llawn amser, 37 awr yr wythnos.

Mae hwn yn gyfle rhagorol i Weinyddwr Systemau profiadol gymryd cyfrifoldeb am systemau menter sy'n cefnogi gwasanaeth brys hanfodol. Rydym yn chwilio am unigolyn sydd â'r arbenigedd, yr hyder a'r fenter i ddylanwadu ar y ffordd y mae systemau'n cael eu dylunio, eu diogelu, eu cynnal a'u gwella.

Nid rôl gymorth arferol yw hon. Byddwch yn cael eich ymddiried i ddefnyddio eich gwybodaeth, herio dulliau gweithredu presennol lle bo'n briodol a helpu i sicrhau bod ein seilwaith yn parhau'n ddiogel, yn wydn ac yn unol ag arferion gorau'r diwydiant.

Fel arbenigwr technegol uwch, byddwch yn gweithio ar draws ystod eang o dechnolegau menter gan gynnwys Microsoft 365, Windows Server, clystyru gweinyddion, rhithwiroli, rheoli hunaniaeth, awtomeiddio a chronfeydd data SQL. Disgwylir i chi weithredu fel arbenigwr pwnc, gan gymryd perchnogaeth o atebion technegol a darparu cyngor arbenigol ar faterion seilwaith a gweinyddu systemau.

Yn nodweddiadol, bydd yr ymgeisydd llwyddiannus yn dod o gefndir fel:

  • Gweinyddwr Systemau TG (SysAdmin)
  • Peiriannydd Seilwaith TG
  • Peiriannydd Systemau TG
  • Arbenigwr Seilwaith Systemau
  • Pensaer Technegol
  • Arbenigwr Seilwaith DDaT
  • Arbenigwr Systemau Menter

Bydd gennych brofiad sylweddol o weinyddu amgylcheddau Microsoft menter a hanes profedig o gyflawni prosiectau technegol, datrys problemau cymhleth a chynnal systemau busnes critigol. Rhaid i chi feddu ar wybodaeth a phrofiad da o ddarparu arferion gorau ym maes diogelwch, gwydnwch ac adfer ar ôl trychineb ar gyfer systemau newydd a systemau presennol.

Profiad Hanfodol
Dylech allu dangos profiad cryf yn y meysydd canlynol:

  • Gweinyddu Microsoft 365
  • Systemau gweithredu Windows Server
  • Active Directory a rheoli hunaniaeth
  • Rhithwiroli gweinyddion a seilwaith menter
  • Argaeledd uchel, gwydnwch ac adfer ar ôl trychineb
  • Arferion gorau diogelwch ac egwyddorion diogel drwy ddylunio
  • Sgriptio ac awtomeiddio PowerShell
  • Caledwedd gweinyddion menter a llwyfannau storio
  • Monitro, cynnal a rheoli cylch oes systemau
  • Datrys problemau technegol ar lefel uwch

Oherwydd maint ardal y Gwasanaeth, rhaid meddu ar drwydded yrru lawn y DU gan y gallai fod angen teithio yn achlysurol.

A yw'r Rôl Hon yn Addas i Chi?
Efallai y bydd ymgeiswyr y mae eu profiad wedi canolbwyntio'n bennaf ar ddesg gymorth, cymorth cyfrifiaduron bwrdd gwaith neu gymorth dyfeisiau defnyddwyr terfynol yn gweld bod y rôl hon yn gofyn am ddyfnder ehangach o brofiad seilwaith menter nag y maent wedi cael y cyfle i'w ddatblygu hyd yma.

Os ydych yn rheolaidd yn cymryd perchnogaeth o atebion technegol, yn arwain prosiectau seilwaith ac yn gweithredu fel arbenigwr technegol o fewn eich sefydliad, byddem yn eich annog i wneud cais.

Os yw hyn yn swnio fel chi, anfonwch eich CV a llythyr eglurhaol yn amlinellu'r systemau, y prosiectau a'r heriau technegol rydych wedi'u cyflawni'n llwyddiannus, gan ddangos sut rydych yn bodloni'r gofynion sydd wedi'u nodi yn y Disgrifiad Swydd a'r Manyleb Person, at humanresources@mawwfire.gov.uk 

Ymholiadau
Am ragor o wybodaeth am y swydd hon, cysylltwch â Phennaeth TGCh, Dafydd Lawrence, drwy e-bostio d.lawrence@mawwfire.gov.uk 

Mae Gwasanaeth Tân ac Achub Canolbarth a Gorllewin Cymru yn gweithredu cynlluniau cyfweliad gwarantedig ar gyfer ymgeiswyr cymwys o dan Ddeddf Cydraddoldeb 2010 ac ar gyfer personél sy'n gwasanaethu yn y Lluoedd Arfog a chyn-filwyr sydd wedi gadael y Lluoedd Arfog o fewn y pum mlynedd diwethaf. Bydd ymgeiswyr sy'n bodloni meini prawf hanfodol y swydd yn cael eu gwarantu cyfweliad. Os ydych yn gymwys ac yn dymuno cael eich ystyried o dan unrhyw un o'r cynlluniau hyn, nodwch hynny yn eich cais.

Mae Gwasanaeth Tân ac Achub Canolbarth a Gorllewin Cymru wedi ymrwymo i ddiogelu a hyrwyddo lles plant, pobl ifanc ac oedolion agored i niwed ac mae'n disgwyl i bob aelod o staff a gwirfoddolwr rannu'r ymrwymiad hwn. Bydd yr ymgeisydd llwyddiannus yn destun gwiriad DBS a geirdaon boddhaol.

Sylwer bod ceisiadau yn Gymraeg yn cael eu croesawu ac na fydd unrhyw gais a gyflwynir yn Gymraeg yn cael ei drin yn llai ffafriol na chais a gyflwynir yn Saesneg.

[1] Mae'r cyflog sylfaenol yn cynyddu o bwynt cyflog 30 i bwynt cyflog 32 ar ôl cwblhau'r cyfnod prawf ac yna ar ôl blwyddyn ariannol gymwys o wasanaeth gyda GTAGC. Mae cyfraniad pensiwn yn seiliedig ar 12.4% o'r cyflog ac felly'n cynyddu yn unol â hynny.

[2] Bydd atodiad y farchnad ar gael yn seiliedig ar sgiliau, profiad ac addasrwydd ar gyfer y rôl.

[3] Yn seiliedig ar hyd gwasanaeth neu wasanaeth blaenorol cyfwerth mewn llywodraeth leol.

Sylwer bod yn rhaid i ymgeiswyr feddu ar yr hawl i weithio yn y Deyrnas Unedig ar adeg gwneud cais. Nid yw Gwasanaeth Tân ac Achub Canolbarth a Gorllewin Cymru yn gallu darparu nawdd fisa ar gyfer y swydd hon.

Dyddiad Cau
Dydd Gwener, 30 Tachwedd 2026 am 1630yp


Disgrifiad Swydd
Manyleb Person
Pecyn Cais Am Swydd
Cyflogaeth Cyfle Cyfartal

Rôl Cefnogi’r Tîm Chwilio ac Achub Rhyngwladol (ISAR)

Ymateb, Wedi’i Leoli yng Nghanolfan Rhagoriaeth Hyfforddi Earlswood

Cyfradd Cyflog Gyfwerth â Diffoddwr(aig) Tân Cymwys

Mae Gwasanaeth Tân ac Achub Canolbarth a Gorllewin Cymru yn chwilio am unigolyn brwdfrydig a threfnus i ymgymryd â rôl Swyddog Cefnogi Tîm ISAR ar sail dros dro.

Mae’r rôl hon yn cynnig cefnogaeth hanfodol i allu Chwilio ac Achub Rhyngwladol (ISAR) y Gwasanaeth, gan helpu i sicrhau bod y tîm yn cynnal parodrwydd gweithredol ar gyfer adleoliadau cenedlaethol a rhyngwladol. Bydd deiliad y swydd yn cefnogi’r gwaith gweinyddu a chydlynu a’r trefniadau logistaidd sy’n gysylltiedig â chynnal gallu achub arbenigol sy’n cyd-fynd â gofynion UKISAR ac INSARAG.

Mae hon yn swydd dros dro am gyfnod o 12 mis, lle byddwch yn gweithio 1 diwrnod y mis, gydag oriau hyblyg.

Y Swydd
Fel Swyddog Cefnogi’r Tîm ISAR, byddwch yn:

  • Cefnogi gwaith gweinyddu a chydlynu gallu ISAR y Gwasanaeth o ddydd i ddydd.
  • Cadw cofnodion sy’n ymwneud â phersonél, hyfforddiant, cymwysterau, cymwyseddau a pharodrwydd ar gyfer adleoli.
  • Cefnogi gwaith cynllunio a chydlynu digwyddiadau hyfforddi, ymarferion a chyfarfodydd ISAR.
  • Cynorthwyo gyda rheoli ac olrhain offer arbenigol, cerbydau ac adnoddau gweithredol.
  • Cydlynu trefniadau gwasanaethu offer, arolygiadau, profion a rhestrau eiddo er mwyn cefnogi parodrwydd gweithredol.
  • Cefnogi caffael, prynu a gweinyddiaeth ariannol sy’n gysylltiedig â’r swyddogaeth ISAR.
  • Cynorthwyo gyda threfniadau teithio, llety a logisteg ar gyfer digwyddiadau hyfforddi, ymarferion ac adleoliadau.
  • Cynnal dogfennaeth weithredol, polisïau, gweithdrefnau a chofnodion sicrwydd.
  • Cefnogi cydymffurfiaeth â gofynion UKISAR, INSARAG a llywodraethiant y Gwasanaeth.
  • Cynorthwyo i baratoi adroddiadau, data perfformiad, papurau briffio a dogfennaeth ar gyfer cyfarfodydd.
  • Cefnogi prosesau adolygu ar ôl ymarferion ac ar ôl adleoliadau, gan gynnwys cofnodi gwersi a nodwyd.
  • Cysylltu ag adrannau mewnol, partneriaid UKISAR a rhanddeiliaid allanol yn ôl yr angen.
  • Cyfrannu at welliant parhaus a chynaliadwyedd hirdymor gallu ISAR y Gwasanaeth.


Ymholiadau
I gael rhagor o wybodaeth am y swydd hon, cysylltwch â Stuart Bate, Pennaeth Darparu Hyfforddiant, drwy anfon e-bost at s.bate@mawwfire.gov.uk


Gwneud cais am y swydd
I ymgeisio am y swydd, llenwch y ffurflen gais gan gyfeirio at y meini prawf sydd wedi’u nodi yn y Disgrifiad Swydd a Manyleb y Person.

Dylech ddychwelyd ffurflenni wedi'u llenwi ar e-bost i humanresources@mawwfire.gov.uk

Dylech chi gynnwys copïau o’ch cymwysterau gyda’r cais.

Nodwch fod croeso i chi anfon ceisiadau yn y Gymraeg, ac ni fydd unrhyw geisiadau a gyflwynir yn y Gymraeg yn cael eu trin yn llai ffafriol na chais a gyflwynir yn Saesneg.

Dyddiad Cau
Dydd Mawrth, 17 Tachwedd 2026

Ffurflen Gais
Disgrifiad Swydd
Manyleb Person
Pecyn Cais Am Swydd



Gwirfoddolwyr



Diffoddwyr Tân Llawn Amser



Adran Rheoli Tân ar y Cyd




Cysylltwch â Ni

Os hoffech gael rhagor o wybodaeth am yrfa yn y Gwasanaeth Tân, cysylltwch â ni drwy ein ffurflen ar-lein os gwelwch yn dda.

Ein Gweledigaeth ac Ymddygiadau

Gweledigaeth Gwasanaeth Tân ac Achub Canolbarth a Gorllewin Cymru yw darparu’r gwasanaeth gorau posibl i gymunedau Canolbarth a Gorllewin Cymru.

Mae Ymddygiadau Gwasanaeth Tân ac Achub Canolbarth a Gorllewin Cymru’n amlinellu sut mae’r Gwasanaeth yn disgwyl i bob aelod o staff i:

  • Fod yn Atebol
  • Fod yn Barchus
  • Fod yn Ddiduedd
  • Fod yn Foesegol
  • Ddangos Uniondeb

Bydd ymgeiswyr yn cael eu hasesu yn erbyn yr ymddygiadau hyn drwy gydol y broses recriwtio.

Diogelu

Mae Gwasanaeth Tân ac Achub Canolbarth a Gorllewin Cymru yn ymrwymedig i ddiogelu a hyrwyddo lles plant a phobl ifanc, a disgwylir i'r holl staff a gwirfoddolwyr rannu'r ymrwymiad hwn. Bydd yr ymgeisydd llwyddiannus yn destun gwiriad DBS a geirdaon boddhaol.



Cyflogwr Hyderus o ran Anabledd



Mae Awdurdod Tân ac Achub Canolbarth a Gorllewin Cymru yn gyflogwr hyderus ag anableddau.



Cyfleoedd Cyfartal



Mae’r Gwasanaethau Tân ac Achub yng Nghymru’n ymrwymedig i ddatblygu a hyrwyddo Cyfleoedd Cyfartal a Thegwch yn y Gweithle.



Ddyletswydd Cyfamod y Lluoedd Arfog



Mae Gwasanaeth Tân ac Achub Canolbarth a Gorllewin Cymru yn falch o fod yn llofnodwr Cytundeb y Lluoedd Arfog ac yn gyflogwr sy'n cefnogi'r Lluoedd Arfog. Rydym yn cydnabod y sgiliau, y profiad a'r ymrwymiad gwerthfawr y mae personél sy'n gwasanaethu, milwyr wrth gefn a chyn-filwyr yn eu cyfrannu i'n sefydliad a'n cymunedau.