Swyddog Monitro a Chlerc yr Awdurdod Tân ac Achub
Lleoliad – Pencadlys y Gwasanaeth, Caerfyrddin (Hybrid gyda dull hyblyg)
Cyflog – £110,070 (pro rata ar sail tri diwrnod yr wythnos)
Mae Gwasanaeth Tân ac Achub Canolbarth a Gorllewin Cymru yn amddiffyn ac yn gwasanaethu cymunedau ar draws rhanbarth eang ac amrywiol o Gymru, gan gwmpasu Sir Gaerfyrddin, Ceredigion, Sir Benfro, Castell-nedd Port Talbot, Powys ac Abertawe. Ein Hawdurdod Tân ac Achub sy’n darparu llywodraethiant democrataidd y Gwasanaeth, gan sicrhau ei fod yn gweithredu’n effeithiol, yn dryloyw ac er budd gorau’r cymunedau y mae’n eu gwasanaethu.
Rydym nawr eisiau penodi Swyddog Monitro a Chlerc profiadol â hygrededd i’r Awdurdod Tân ac Achub i gefnogi’r Awdurdod i gynnal y safonau uchaf o lywodraethu, uniondeb ac ymddygiad moesegol.
Mae hon yn rôl statudol, sy’n gyfrifol am gyflawni swyddogaethau’r Swyddog Monitro o dan Ddeddf Llywodraeth Leol a Thai 1989 a chynghori’r Awdurdod Tân ac Achub ar faterion cyfansoddiadol, deddfwriaethol a gweithdrefnol.
Mae’r rôl hefyd yn gweithredu fel Clerc i’r Awdurdod, gan sicrhau bod ei brosesau democrataidd, ei gyfarfodydd a’i drefniadau llywodraethu’n gweithredu’n gyfreithlon ac yn effeithiol.
Gan weithio’n agos gyda Chadeirydd yr Awdurdod Tân, Aelodau’r Awdurdod a’r Prif Swyddog Tân, bydd deiliad y swydd yn cynnig cyngor proffesiynol annibynnol ar lywodraethu a safonau, yn goruchwylio Cyfansoddiad a threfniadau Cod Ymddygiad yr Awdurdod, ac yn helpu i sicrhau bod proses gwneud penderfyniadau’r Awdurdod yn gadarn, yn dryloyw ac yn cydymffurfio â deddfwriaethau a chanllawiau perthnasol.
Rydym yn chwilio am unigolyn sydd â:
- Gwybodaeth gref am lywodraethu llywodraeth leol, arfer cyfansoddiadol a fframweithiau safonau.
- Profiad o gynghori aelodau etholedig ac uwch arweinwyr ar faterion cyfreithiol, llywodraethu neu weithdrefnol.
- Gallu i ddarparu cyngor annibynnol, cytbwys a dibynadwy mewn amgylchedd cymhleth yn y sector cyhoeddus.
- Sgiliau barn, hygrededd a chyfathrebu rhagorol.
Mae hwn yn gyfle gwych i weithiwr proffesiynol llywodraethu profiadol, uwch-gyfreithiwr neu gyn-Swyddog Monitro awdurdod lleol gyfrannu at lywodraethu effeithiol gwasanaeth cyhoeddus hanfodol.
Ar gyfer ymgeiswyr nad ydynt wedi’u lleoli yn yr ardal gyfagos ac sy’n dymuno adleoli, mae lwfans ar gael i’w cefnogi.
Cynigir y rôl ar sail hybrid, gyda hyblygrwydd i gefnogi ymgeiswyr nad ydynt wedi’u lleoli yn yr ardal gyfagos. Mae’n ofynnol bod yn bresennol ar y safle ar gyfer cyfarfodydd yr Awdurdod Tân, a gynhelir tua bob 6 wythnos; Pencadlys y Gwasanaeth, Caerfyrddin, yw lleoliad y cyfarfodydd hyn. Y tu allan i’r dyddiau hyn, gellir mabwysiadu dull hyblyg o ran lleoliad.
I gael gwybod mwy, lawrlwythwch y Pecyn Briffio i Ymgeiswyr neu, i gael trafodaeth anffurfiol am y rôl gyffrous hon, cysylltwch â Executive@LHH.com neu ffoniwch 0141 220 6460.
Rhaid cyflwyno ceisiadau erbyn hanner nos ddydd Sul 18 Hydref 2026.