17.12.2025

Gwasanaeth Tân ac Achub Canolbarth a Gorllewin Cymru yn Penodi Prif Swyddog Tân Newydd

Mae Gwasanaeth Tân ac Achub Canolbarth a Gorllewin Cymru yn falch o gyhoeddi penodiad Craig Flannery yn Brif Swyddog Tân newydd, yn weithredol o ddydd Llun, 15 Rhagfyr 2025.

Gan Steffan John

Categorïau



Mae Gwasanaeth Tân ac Achub Canolbarth a Gorllewin Cymru yn falch o gyhoeddi penodiad Craig Flannery yn Brif Swyddog Tân newydd, yn weithredol o ddydd Llun, 15 Rhagfyr 2025.

Mae Craig wedi gwasanaethu gyda Gwasanaeth Tân ac Achub Canolbarth a Gorllewin Cymru ers dros ddau ddegawd, gan symud ymlaen trwy rolau rheoli canol ac arweinyddiaeth allweddol ar draws adrannau yr ochr weithredol ac anweithredol.

Trwy gydol ei yrfa, mae wedi dangos arweinyddiaeth eithriadol mewn cyflawni gweithredol, rheoli risg a datblygu sefydliadol.

Mae ei waith wedi cynnwys arwain arloesedd mewn mentrau dysgu a datblygu, arwain Rhaglen Gwella Diffoddwyr Tân Ar Alwad y Gwasanaeth, a gyrru buddsoddiad mewn swyddogaethau galluogi allweddol fel datblygu'r gweithlu a Thechnoleg Gwybodaeth a Chyfathrebu.




Chief Fire Officer Craig Flannery



Mae penodiad Craig yn dilyn proses recriwtio drylwyr, aml-gam, dan arweiniad Awdurdod Tân ac Achub Canolbarth a Gorllewin Cymru.

Aseswyd ymgeiswyr trwy gyfres o gyfweliadau strwythuredig, ymarferion arweinyddiaeth strategol ac asesiadau seiliedig ar senarios a gynlluniwyd i brofi mewnwelediad gweithredol, gweledigaeth sefydliadol a'r gallu i arwain gwasanaeth tân ac achub modern.

Mae'r Awdurdod hefyd wedi cyflogi aseswyr proffesiynol allanol i roi goruchwyliaeth annibynnol a sicrhau bod y broses yn bodloni'r safonau uchaf o ran tegwch, tryloywder a her.

Daeth Craig i'r amlwg fel yr ymgeisydd cryfaf, gan ddangos gallu arweinyddiaeth strategol eithriadol, gwybodaeth sefydliadol ddofn ac ymrwymiad clir i ddiogelwch cymunedol a gwella gwasanaethau.



Dywedodd y Cynghorydd John Davies, Cadeirydd Awdurdod Tân ac Achub Canolbarth a Gorllewin Cymru:

"Mae Craig yn dod â dealltwriaeth ddofn o'n Gwasanaeth a gweledigaeth glir ar gyfer ei ddyfodol. Bydd ei benodiad yn cryfhau ein gallu i arloesi, cefnogi ein gweithlu a rhoi amddiffyniad o ansawdd uchel i'r cymunedau rydyn ni'n eu gwasanaethu.

Wrth i ni lywio tirwedd sy'n newid yn gyflym, bydd profiad Craig o ysgogi arloesedd a datblygiad sefydliadol yn amhrisiadwy wrth ein helpu i drawsnewid ac addasu ar gyfer y dyfodol."

Wrth sôn am ei benodiad, dywedodd y Prif Swyddog Tân Flannery:

"Mae'n fraint arwain y Gwasanaeth rhagorol hwn. Rwyf wedi ymrwymo i gefnogi ein pobl, cryfhau ein partneriaethau ac adeiladu ar y sylfeini cryf sydd eisoes ar waith.

Wrth i'r heriau sy'n wynebu gwasanaethau tân ac achub barhau i esblygu, mae'n rhaid i ni arloesi, moderneiddio a sicrhau bod gennym y sgiliau, y dechnoleg a'r gallu i ddiwallu anghenion ein cymunedau.

Rydw i’n edrych ymlaen at weithio ochr yn ochr â chydweithwyr a phartneriaid ledled Canolbarth a Gorllewin Cymru i ddarparu Gwasanaeth modern, blaengar a gwydn sy'n cadw pobl yn ddiogel ac yn rhoi ein staff wrth wraidd popeth a wnawn."




Y PST Craig Flannery (chwith) gyda Chadeirydd Awdurdod Tân ac Achub Canolbarth a Gorllewin Cymru, y Cynghorydd John Davies.

Erthygl Flaenorol Erthygl Nesaf

Y Newyddion Diweddaraf

GWELD POB NEWYDDION