Pedair gorsaf dân yn casglu £7,279 ar gyfer elusen

Daeth pedair Gorsaf Dân at ei gilydd ddydd Sadwrn, 28 Mawrth, i gynnal digwyddiadau golchi ceir ar yr un pryd—gan godi £7,279.65 ar gyfer dau achos sy'n darparu cymorth hanfodol i deuluoedd tân ac achub ac i'r rhai sy'n wynebu profedigaeth annisgwyl.

Mae Gorsafoedd Tân Llanandras a Threfyclo Gwasanaeth Tân ac Achub Canolbarth a Gorllewin Cymru (GTACGC), ynghyd â Gorsafoedd Tân Ceintun a Kingsland Gwasanaeth Tân ac Achub Henffordd a Chaerwrangon (HWFRS), wedi cynnal sesiynau golchi ceir cymunedol i gefnogi dwy elusen bwysig.

Nod y digwyddiadau oedd casglu arian ar gyfer Elusen y Diffoddwyr Tân a 2wish, gan helpu i sicrhau bod cymorth ymarferol, emosiynol a lles ar gael pan fo ei angen fwyaf.

• Mae Elusen y Diffoddwyr Tân yn cynnig cymorth gydol oes i les meddyliol, corfforol a chymdeithasol Diffoddwyr Tân sy'n gwasanaethu ac sydd wedi ymddeol, eu teuluoedd, a phersonél eraill y Gwasanaeth Tân ac Achub. Cafodd yr Elusen ei sefydlu yn 1943 ac mae’n cael ei hariannu trwy roddion a digwyddiadau codi arian gan y Gwasanaethau Tân ac Achub. Mae'n adnodd hanfodol i'r rhai sy'n cysegru eu bywydau i amddiffyn eraill.
  
  
• Mae 2wish yn gweithio i sicrhau bod pawb sy'n cael eu heffeithio gan farwolaeth sydyn ac annisgwyl plentyn neu oedolyn ifanc yn derbyn y cymorth profedigaeth sydd ei angen arnynnhw. Mae'r gefnogaeth maen nhw’n ei ddarparu yn rhad ac am ddim, yn gyfrinachol ac wedi'i theilwra i anghenion pob unigolyn.

Diolch yn fawr iawn i bawb a ddaeth draw a chefnogi'r pedwar digwyddiad. Rhyngddynt, casglodd y pedair Gorsaf £7,279.65 – canlyniad gwych sy'n adlewyrchu haelioni pawb a ddaeth, a roddodd neu a helpodd i hysbysebu.

Rhannwyd yr holl arian 50/50 rhwng Elusen y Diffoddwyr Tân a 2wish, a hynny er cof am Elsa Layton-Jones ac Ivy Oldershaw.

Bydd eich cefnogaeth yn ariannu gofal parhaus, cwnsela a chymorth ymarferol i bobl sydd wir ei angen – diolch i bawb am helpu i droi digwyddiad cymunedol yn effaith elusennol ystyrlon.