Wrth i Wasanaeth Tân ac Achub Canolbarth a Gorllewin Cymru nodi 30 mlynedd o wasanaeth i gymunedau ledled yr ardal, rydym yn falch o ddathlu'r bobl sydd wedi creu gorffennol y Gwasanaeth, cryfhau ei bresennol, ac ysbrydoli ei ddyfodol.
Rydym yn falch iawn o rannu newyddion gwych o Orsaf Dân Dinbych-y-pysgod, lle mae'r Rheolwr Gwylfa Jeremy Lees o Orsaf Dân Dinbych-y-pysgod - sy'n adnabyddus i lawer fel Jez - wedi cael ei gydnabod yn ddiweddar am ei 'Wasanaeth Eithriadol i'r Gymuned'. Cyflwynwyd gwobr arbennig i Jeremy gan Uchel Siryf Dyfed i gydnabod ei ymrwymiad hir a'i gyfraniad amhrisiadwy i'r Gwasanaeth Tân ar draws Sir Benfro.
Dechreuodd Jeremy ei yrfa diffodd tân yng Ngorsaf Dân Dinbych-y-pysgod yn 1992, ychydig flynyddoedd cyn sefydlu Gwasanaeth Tân ac Achub Canolbarth a Gorllewin Cymru yn 1996. Dros fwy na deg mlynedd ar hugain, mae ei yrfa wedi adlewyrchu esblygiad y Gwasanaeth ei hun, o’i wreiddiau fel brigâd leol i sefydliad modern, unedig sy'n canolbwyntio ar atal, amddiffyn ac ymateb.
Drwy waith caled, ymroddiad a gwir angerdd dros helpu eraill, aeth Jeremy ymlaen drwy'r rhengoedd ac mae bellach yn falch o wasanaethu fel Rheolwr Gwylfa yn yr orsaf lle dechreuodd ei yrfa. Gyda 34 mlynedd anhygoel o wasanaeth, mae wedi cael effaith barhaol nid yn unig ar ei gydweithwyr, ond hefyd ar gymuned ehangach Dinbych-y-pysgod gan ennill parch enfawr am ei arweinyddiaeth, ei broffesiynoldeb a'i ymrwymiad i wasanaeth cyhoeddus.
Wrth i ni ddathlu’r pen-blwydd pwysig hwn, mae cyflawniad Jeremy yn ein hatgoffa mai ei bobl yw cryfder y Gwasanaeth.
Dywedodd y Prif Swyddog Tân, Craig Flannery: